Жүктілік кезінде УДЗ – УЗИ бірнеше рет жасау зиян ба?
Әдетте жүктілік кезінде ультрадыбыстық зерттеу үш рет жасалады:
– 12-14 апта: эмбрионның құрсақта дұрыс орналасуы;
– 20-24 апта: дұрыс дамып, жетілуі;
– 32-34 апта: баланың жарыққа шығуына дайындығы бақыланады.
Егер мынадай жағдайлар болса:
- Аналық безде ісік пайда болса;
- Ананың созылмалы аурулары;
- Көпұрықтық жүктілік;
- Іштегі балада созылмалы гипоксия (оттек жетіспеушілік);
- Ананың инфекциялық аурулары;
- Жатыр мойнындағы мәселе;
- Жатыр түтіктерінің өтімділігі мәселесі;
- Қан кету не қан аралас сұйықтық;
- Бала жолдасының төмен орналасуы;
- Жатырдан тыс жүктілік;
- Іштің төмен тартып ауыруы;
- Ананың қоршаған ортадан (радиация, улану, инфекция) зиян шегуі.
Дәрігер анаға кезекті түсірілетін 3 реттік УДЗ-ден бөлек, бірнеше рет УЗИ жасатуға кеңес береді. Осындай мәселелердің алдын ала алмай, сан соғып қалғанша, гинеколог кеңесіне құлақ түріп, бірнеше рет УДЗ жасатудың зияны тимейді.
